Гӏалгӏайчера Токмакски кхале бахьийтар гуманитарни мухь, лаьрххӏа йола техника
Гӏалгӏайчера, Запорожски областа Токмакски кхале аргӏанара гуманитарни новкъостал дахьийтар. «Сердало» газета яздаь ма хиллара, хӏара шера дӏахьош йолча, республикан Кулгалхочо Келаматанаькъан Махьмуд-Ӏаьлас хьаллоацаш вӏашагӏъеллача, «Бер деша даха кийчде» яхача болама чудоагӏаш, моттигерча дешархошта мел эшачунца кийчбаь дешара 100 тӏормиг белар.
Цул совгӏа, Молочанска цхьан ишкола кулгалхочо аларах, гуманитарни новкъостала юкъе бар гӏалгӏай къаман тӏабувхабу гӏирс, из эшаш бар берий халхара коллектива.
Гӏалгӏайчен вице-премьера Антонов Игора ма аллара, материально-технически новкъостал дир, Запорожски областе йохаяь гӏишлош юха хьалъеш йолча гӏалгӏай аварийни тоаба а. Говзанчашта елар кхоъ лаьрххӏа йола автомобиль, рацеш, лоравалара цхаралаш.
Гӏалгӏайче 2022 шера денз Токмакски кхале хьаллоацаш я, новкъостал ду вахара моттигаш меттаоттае, ЖКХ хаттараш кхоачашде, моттигера бахархой хьаллаца.
