Палестинера бехача наха гӀо лоаттаду вай республико
Палестинера бехача наха новкъостал лоаттадара гӀулакх дувцаш йола кхетаче дӀайихьар РФ Федеральни Гуллама Совфеда Комитета кулгалхочун гӀонча волча Хамченаькъан Беслана. Халача хьале эттача бехархошта гӀо дергдола тоаба вӀашагӀъеллай вай мехкадас Келаматанаькъан Махьмуд-Ӏаьлас могаяь.
«Палестинера бехача наьха бокъонаш лархӀара гӀулакх республикан кулгалхочо ше тӀахьожам беш да», - белгалдир Хамченаькъан Беслана. Паччахьалкхен тайп-тайпарча моттигашкара болхлой юкъе болаш, дӀайихьача кхетаче дийцар цу наха баха моттиг Ӏалашъярах, вахара оагӀонцара гӀо лоаттадарах, цар бокъонаш лораярах.
ГӀалгӀай республике баха, лела царна паргӀата хургйолаш дӀадахьа дезача гӀулакхех дийцар гулбеннараша.
«Вай мехка царна баха паргӀата хургйолаш, царна мел эшача хӀаманга хьожаш, хьашташ кхоачашдеш болх дӀахьоргба оаха», - белгалдир Хамченаькъан Беслана.
Иштта дӀахьоча балхо хьагойт, федеральни оагӀонца бувзам лоаттабеш, мехкаша шоай моттигашкара беха арабаьннача нахага хьожаш, новкъостал деш хилар лоархӀамеча гӀулакхех долга.
