Гӏалгӏай мохк кийчлуш ба МАКС яхача QR- кодах хьаьшацӏенош таьрахьашка даха
Гӏалгӏайче дӏаболабеш ба, хьаьшацӏенош таьрахьашка дахара МАКС яхача мессенджера болх. Из проект юкъейоаккхаш я, хьаьший тӏаэцара хьал дегӏадоаладара Россе юкъара проект кхоачашъеш. Туристаш вай мехка дикагӏа хьабоагӏаш хургболаш, хьакхоллаш дола хьалаш да уж, яхаш, дийцар «Сердало» газетага мехка культуран, туризма Министерстве.
Тхога хоам баьчо яхачох, керда хьалаш хьакхоллаш хиларах, туристий паспорт дӏаяздарга хьежаш латта безаргбац. Уж тӏаэцаргба МАКС мессенджера «Таьрахьий ӏD» гӏолла - хьаьшо дӏагойт QR-код, тӏаккха хьаьшацӏен оагӏоно ше хьалох паччахьалкхен сервисе гӏолла эшаш бола хоам.
Хьаьшацӏен болхлошта из дика накъадоалаш да. Цо таро лу сихагӏа гӏулакх даь дӏабахийта хьабаьхка хьаьший, администратора болх а аттача боаккх, МВД, миграционни балха хоамаш а нийса хул; иштта, цӏай долча деношка нах дукха болча хана, хьежаш латта ца везаш гӏулакх сихагӏа ду.
Карарча шера тов беттагара денз, цу тайпара болх беш хургья еррига моттигаш. Уж бокъонаш хургья хьаьшацӏеношка, санаторешка, турбазашка, туристаш салоӏаш болча даькъ тӏа.
