ГӀалгӀай къаман
юкъара газет

ГӀалгӀайче я ИСУП юкъейоалаяьча СКФО хьалхарчарех

ГӀалгӀайче я ИСУП юкъейоалаяьча СКФО хьалхарчарех

Къилбаседа Кавказа федеральни куран тӀа, проекташ лелаяра хоамий система (ИСУП) юкъейоаляьча хьалхарчарех. «Светофор» яха система лоархӀаш хиларга диллача, республика хьалха я ИСУП СКФО еррига а юкъеяьккхарех, из гӀишлон болх таьрахьашка баьккхарех. Цу толамо хьагойт, мехка Ӏаьдало из болх таьрахьашка баккхара тӀатеӀӀа къахьийгалга, яхаш, дийцар ГӀалгӀайчен Кулгалхочун, Паччахьалкхен зарбан болх лелабераша.

«ГӀалгӀайчен ГӀишлон Министерствос яхачох, ИСУП система чубоагӀаш ба беррига паччахьалкхен, доал дара даькъ тӀара заказчикаш; иштта цу юкъейоагӀаш я капитальни гӀишлоний еррига моттигаш. Карарча хана цу системанна чуйоагӀаш я 64 гӀишло, царех 22 болх беш я, юхейисараш 42 гӀишлош йистеяьнначул тӀехьагӀа архиве хургйолаш яьй. ГӀишлон болх таьрахьашка баккхаро таро лу каьхаташцара болх аттача баккха, цу юкъе дакъа лоацаш барий шоайла бувзам лелабе», - йоах хоамо.

ГӀишлошъяра Министерстве белгалдир, ИСУП юкъеяккхаро таро хилийтар проекташ лелаяра болх аттача баккха, гӀишлой моттигашта тӀахьажа.

Электронни система хиларах, цу даькъ тӀара беррига болх гуш ба, проектагара гӀишлон болх йистебаларга кхаччалца, из бахьан долаш, балха овсарле совйоалаш я, дӀадодар кӀезиглу, проект кхоачашъяр а тешшаме да.

ГӀалгӀайчен Кулгалхочо Келаматанаькъан Махьмуд-Ӏаьлас белгалдир, ИСУП юкъеяккхарах, лоархӀаме гӀа баьккха хилар гӀишлон даькъ тӀарча доакъашхошта юкъера болх тоабара, хӀаьта СКФО хьалхара моттиг дӀалоацаш я мехка таьрахьий кердадараш юкъедаьха центр хиларах. Цо иштта белагалдир, из система юкъеяккхаро балхаца а ахчанца а дувзаденнача хьала тӀахьожам лоаттабе йиш йолаш ду, иштта капитальни гӀишлой моттигий хьал а довзаш хургда.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде