ГӏалгӀайчено кулг яздир, ДОМ.РФца бувзам лелабар дувцача каьхата
ГӏалгӀай Республико кулг яздир ДОМ.РФ яхача паччахьалкхен ахчан моттигаца цхьана бувзам лелабарах, Россе нах чубаха фусамаш хьалъеча даькъ тӀа цо болх бу 25 шу да. Из бартчӀоагӀама каьхат дӀадахьийтар Магаса-Шолжа даькъ тӀара гӀишлон хьал дегӀадоаладара.
«Ца йоагӀача моттиге хьалъяьча гӀишлоша новкъарле ю, юкъара проекташ кхоачашъяра. Из болх цхьан наькъ тӀа баккха безаш ба», - аьлар Келаматанаькъан Махьмуд-Ӏаьлас.
ДОМ.РФ проектни тоабо говзанч-план оттаергья агломераци (нах баха моттигаш гаргаозара) дегӀайоалаеш, цунна чуйоагӀаш хургья Магас, Наьсаре, Илдарха-Гӏала, Шолжа-Шахьар, иштта Наьсарен, Шолжа кхаленаш.
Говзанч-плано белгалдергда 2035 шерага кхаччалца дегӀадоагӀаш дола доазонаш. Цу тайпара хувцаргда доал деча даькъ тӀа де лерхӀарий хьакъехьа оттадаь каьхаташ.
«Тхона ховргда малагӀа федеральни инвестицеш, проекташ дукхагӀа пайда бахьаш хургья», - аьлар мехка кулгалхочо.
ДОМ.РФца цхьана бувзам лелабаро керда таронаш хьаелл ГӏалгӀайче дегӀайоалаяра, иштта Магаса-Шолжа моттигаш гаргаозара йола планаш кхоачашъе.
