ГӀалгӀайченна 5,9 млн сом лургда, керда хьадаь бер унахцӀена дий хьожаш, чакхдаккха
ГӀалгӀайченна тӀехьара тӀа федеральни бюджетера ахчанца новкъостал дергда, керда хьадаь бераш лорашка чакхдаха, аьлар «Сердало» газетага ГӀалгӀайчен унахцӀенон Министерстве.
Паччахьалкхен Председатела Мишустин Михаила амар арадаьккхар, 2024 шера цу гӀулакха 770 млн сом хьожадарах. ГӀалгӀайченна 5,9 млн сом лургда, «Берашта Ӏодаьча хана хулаш дола, даьгара-наьнагара хьадаьнна лазараш тахкар», «УнахцӀено дегӀайоалаяр» яхача федеральни проекта чудоагӀаш.
«ТӀехьара тӀа вайна ахчанца новкъостал дарах, берашта деш дола лорий гӀулакх лакхача боараме хилийта вӀаштӀехьадаргда», - аьлар ГӀалгӀайчен унахцӀено лораяра Министерстве.
Берашта Ӏодича хулаш дола лазараш тахкар - из берашта хьадеш а тӀехьенца дувзаденна а лазар дий хара дӀахьош бола тохкам ба. Хьалххе а бераш лорашка чакхдоахаш хиларо юххьанца деш дола лорий новкъостал де таро лу.
