Гӏалгӏайче новкъостал деш я, ше ӏунал ду моттиг меттаоттаеш
Гӏалгӏайче новкъостал лоаттадеш я ше ӏунал деча даькъ тӏарча Запорожски областа Токмака кхален бахархой вахара хьалаш тоадара, яхаш, хоам бу «Сердало» газетага ГӏР Кулгалхочун зарбан болх лелабераша.
«Россе президента Путин Владимира хьалхашка оттадаь декхараш кхоачашдеш, лаьрххӏа бола болх дӏахьош ба, 2030 шерга кхоаччалца кхале дегӏайоалаяра»,- аьлар Келаматанаькъан Махьмуд-ӏаьлас.
2023 шера лайчилла бетта денз, Гӏалгӏайчен аварийно-гӏишлон тоаба керттера моттигаш меттаоттаеш, цига бехктокхаме болх дӏахьош я. Дӏаяхача юкъа цӏенхаштта тоаяьй бурув техача хин хьал тоадеш йола гӏишлош. Цар керда тховнаш, инженерни оагӏонаш хьакхеллар вахарца ювзаеннача моттигашка, берий бешамашка, ишколашка.
2026 шера никъ тоабаь баргба, хин турбаш хувцаргья, вахарца ювзаенна урхалленаш меттаоттаяь яргья. Из да, Гӏалгӏайчено дика дакъа лоацаш хилар, моттигерча бахархошта вахара хьалаш хьакхоллача.
Гӏалгӏайчера 2023 шера Токмака кхале 27 гуманитарни мухь дӏабахьийтаб- 600 гаргга тонн, цу юкъе кхачан даараш, гӏишлош еча эшараш, молхаш, иштта кхы дуккхадар.
