«Россе чамаш» ВДНХ доазон тӏа яхача фестивале, дакъа лоацаш ба вай мохк
Россе 75 моттигера нах гулбеннаб Москве ВДНХ дӏахьоча «Россе чамаш» яхача йоккхача фестивале. Вай мехкара викалаш а ба цига дакъа лоацаш. Массанена безабенна бола кхача бихьаб цар цига. Цу юкъе да цӏена, вай мехкарча беркатеча ӏалама моттигашкара гулдаь дола модз, марша даараш, иштта акха котама дулхах, фуэх кийчбаь кхача.
«Мехкарча юртбоахама гӏулакхех йолча Министерствогара тхога кхаьчача хоамах, Москве дӏахьош йолча цу йоккхача фестивалах, толашагӏа болча кхачан ярмарка хиларал совгӏа, берригача мехка миӏингаш йовзаш моттиг хилар.
Чам баьккха, шоашта дикагӏа хийтта кхача эца аьттув бар наьха, цул совгӏа тайп-тайпарча къамий ӏадаташ, культура, истори довзар хилар цох; хьаьша тӏаэцар деза лоархӏача Кавказагара Гаьнарча Малхбоаленга кхаччалца.
Россе моттигий ноанал довзийташ долча цу гӏулакхах, дезалашца арабаьнна, дакъа лаца йиш йолаш, бӏарчча цӏай хилар.
