«Рувики» яха интернет-энциклопеди хьаллаьцар вай республико
Ший мотт санна, Россе моллагӀа долча къаман мотт Ӏомабе, шаьрбе аьттув луш долча «Рувики» яхача ерригача Россе таьрахьий интернет- энциклопедех дӀакхийтар вай мохк а.
Из хоам «Сердалога» бир цу балхага хьожараша. ГӀалгӀайчен кӀийле дӀайолаяьча укх цхьан бетта, 2 811 статья гучаяьлар сайте.
Наха аттагӀа хургдолаш тайп-тайпара оагӀонаш юкъедихьад цига: кхетам, нах, Ӏилма, спорт, культура. ГӀалгӀай оагӀон редактор волча Налганаькъан Мусас белгалдечох, онлайн-энциклопеде аьттув лу сайтера моллагӀа хӀама хувца, тоаде. ХӀаьта хувцам юкъебахьа аьттув бийхка йоазош а да сайта тӀа.
«ЛоархӀаме да, автораш болча доакъашхоша яздераш, бух болаш, лоархӀам бола моттиг йолаш, хилар. ЛаьрххӀа оттабаь тӀахьожаш, нийсадар, доацар тохкаш болхлой ба сайте», - йоах тхогарча хоамо.
