«Тха дезалера дагалоаттама книжкаш» яхача боламе дакъа лоацаш я вай республика
02.04.2025 14:07
«Тха дезалера дагалоаттама книжкаш» яхача ерригача Россе кагирхой боламе дакъа лаьцар Наьсарерча политехнически колледжа студенташа. Коталон музее дӀабихьар из болх.
«Сердалога» цу тайпара хоам бир дешареи Ӏилмани гӀулакхех йолча Министерстве. Сийлахь-боккхача Даьймехка тӀем тӀа дакъа лоацаш хиннача шоай гаргарча нахах дувца дезаш ба доакъашхой цхьан минота.
Укх бетта 30-ча денга кхаччалца, Россе ерригача моттигаша хьаллоацаш дӀахьоргба из болам. Цу юкъе я Беларусь, Молдова, Эрмалой мохк, Гуржий мохк, Абхазой мохк, ГӀыргӀызстан, ГӀазакхстан, Узбекистан, Таджикистан. Иштта хоам бу, Китай цу юкъе дакъа лаца безам болаш хиларах.
«500 000 совг1а болча студенташа, дешархоша хьаллоацаргба из болам ер бутт чакхбаллалца», - дийцар министерстве.
