«РИА Рейтинг» яхача оагӏоно белгалдечох, наькъаш дика долча кхаь моттига юкъе ба вай мохк
03.08.2026 13:12
Наькъаш тоадарца дикка толам ба ала мегаргдолаш да вай тахан. «РИА Рейтинг» яхача оагӏоно белгалдечох, наькъаш дика долча Россе кхаь моттига юкъе да вай.
2025-ча шерарча шийтта бетта хьинаре къахьийга, йиълагӏча моттигера кхоалагӏча моттигага кхаьчар вай республика. Таханарча дийнахьа Гӏалгӏай мехкара наькъаш 84,2%-га кхоачача боарам тӏа латт.
Белгалде деза, наькъаш тоадара болх мехка лакха терко еш, тӏахьожам лоаттабеш дӏахьош болга. Доазон эзар кв. километра 1,06 эзар километрага кхоачаш ба дӏабихьа болх.
Машинашта, иштта гӏашлошта йоккха паргӏато еш, кхераме доацаш, беркате да ала йиш йолаш да тахан вай мехкара наькъаш. Дега боккха тоам беш гӏулакх да из.
