Гӏалгӏай мехка тӏаийцар «Эрсий илли» яхача фестивала доакъашхой
Эккажкъонгий-Юртарча культуран Цӏагӏа хьайийллар кхаь дийнахьа дӏахьош йола «Эрсий илли» яха халкъашта юкъера фестиваль, из чуйоагӏаш яр Россе къамий цхьоагӏон Шу хилара. Из дӏаяхьа лерхӏ ардара бетта 2-ча денга кхаччалца. Цига вӏашагӏкхийтар кхоллама тоабаш, кулгаговзал йола нах, юкъарлон викалаш, Россе тайп-тайпарча моттигашкара хьаьший, яхаш, дийцар «Сердало» газетага республикан Миннаце.
Тхоца къамаьл даьчо яхачох, из дӏахьош хилара керттера бахьан дар, Россе культуран тӏехьале, ӏадаташ лорадар, кхоллама болх цхьана дӏабахьар.
Хьалхарча дийнахьа нах шоаш ӏеш болча фусамашка дӏа-юха нийсбеш, хьаьший мичара ба довзийташ экскурси йир. Керттера болх дӏаболабергба ардара бетта 1-ча дийнахьа. Цу дийнахьа лаьрххӏа фестиваль хьаеллар хургда, артисташ а шоай болх дӏаболабергба, къаман даарий гойтам хургба.
Лоархӏаме дакъа дӏалоацаш да СВО бӏухошта, цар гаргарча наха хетадаь «герга истол» дӏахьош хилар. Цул совгӏа, бӏухошта, цар дезалашта вӏашагӏйолларгья психолог юкъе вола хьехамаш ду моттиг.
