«Дезал Ӏомабар» яха оагӀув юкъебоалабеш, «Берий, кагирхой болам» дегӀакхувл вай республике
Мехкарча дешара гӀулакха юкъеденача кердадарех дийцар дешара, Ӏилман гӀулакхех йолча Министерствонна хьалхалаттача Цхьорой Ахьмад-Башира, укх бетта ше дӀайихьача кхетаче. Из хоам «Сердалога» бир министерствон зарбан болх лелабераша.
«Керда дешара шу дӀадолалуш, вай ишколашка юкъедоаккхаргда «Дезал Ӏомабар» яха керда Ӏилма. Къаьстта дӀахьоча «ЛоархӀамеча къамаьла» юкъе чудоагӀаш хургда из», - йоах хоамо.
Иштта дӀахьоргда хӀара кӀира байракх айеш, Россе гимн локхаш дола Ӏадат. Белгалде деза, республикерча 186 моттиге 27 000 саг юкъе вола кагирхой, берий болама Россе оагӀув хьабийллалга.
«Олимп» яхача лакха начӀал долча берий лицее берашца дӀахьош боккха болх ба. Иштта вай мехка болх беш я берий кхетам дикка лакхбеш йола моттиг.
Хьехархой балхах дувцаш йолча кхетачен юкъе, кхоачашде дезача гӀулакхий соцам бир.
