ГӏалгӀайчено барт бир тӏема-космически академеца
ГӏалгӀай мехка кхы а чӀоагӀагӀа кагирхой Даьхенцара безам совбоаккхаш бола кхетам балар дегӀадоагӀаш хургда. ПМЭФ йолаш республико барт бир А.Ф. Можайске цӀерагӀча тӏема-космически академеца бувзам лелабе. ЛаьрххӀа кулгаш яздеш хилар мехка кулгалхо Келаматанаькъан Махьмуд-Ӏаьла, дешара моттига кулгалхо, инарал-лейтенант Нестечук Анатолий.
Барт баро хьаелл кагирхошца болх дӀабахьара йола керда оагӀонаш, йоах, ГӏалгӀай Республикан Кулгалхочун, Паччахьалкхен зарбан болх лелабераша. Цунна чудоагӀаш да - цхьана культуран-дешара таронаш лелаяр, гойтамаш кийчдар, кхоллама сайренаш, прграммаш, концерташ вӀашагӀдохкар, царца кагирхошта Даьхенцара безам чубоссийтар.
«Даьхе езаш кхевар, даьй Ӏадаташ лоархӀаш хилар, наьха хьашташ кхоачашдеш хилар керттера мах бараш да, вай декхарийла уж кагирхошта дӀадала», - аьлар Келаматанаькъан Махьмуд-Ӏаьлас.
ГӏалгӀайчен Кулгалхочо баркал аьлар инарал-лейтенанта Нестечука, музее гӀолла академе истори довзийташ экскурси ярах.
