ГӀалгӀай къаман
юкъара газет

Новости


Калининградски областерча гӏалгӏай автономе белгалдир халкъа цхьоагӏон Ди

Калининградски областерча гӏалгӏай автономе белгалдир халкъа цхьоагӏон Ди

Калининградски областе бахача гӏалгӏай къаман-культуран юкъарлон доакъашхошта халкъа цхьоагӏон Денах къамий доттагӏала, къамашта юкъерча бувзама цӏай хилар. Лаьрххӏа цу кхетаченна чудоагӏаш, Калининграда кулгалхочо Дятлова Еленас «Калининграда - 80 шу» дузаш хилар дездеш, областа центр дегӏайоалаеш, къамашта юкъера барт, цхьоагӏо лораеш, мехка культура йоаржаеш болча наха юбилейни майдилгаш елар. Из совгӏат делар Гӏалгӏайчен НКА кулгалхочун Ваделанаькъан Саламхана а.

«Сердало» газетага, Гӏалгӏайчен Миннаце ма аллара, цӏайна кхетаченаш дӏайолаелар Гурьевска къаман гойтам дӏахьош. Автономе викалаша бахархошта, хьаьшашта гойтар культуран, гӏалгӏай къаман ӏадаташ. Гойтам, наьха терко чӏоагӏа тӏаозаш хилар.

Цхьаькха сийрда, лоархӏамеча темах йола оагӏув кийчйир цига, гӏалгӏай юкъарлоно цига гойтар вай ӏадатех цӏагӏа хьадеш дола маькха олг. Хьаьший хежар, боккхача безамца белгал а деш, цу къаьнарча кхоачамга, цар лакха мах оттабир цу даара чама.

Гӏалгӏайчен къаман-культуран автономи, халкъа цхьоагӏон Ди долаш дакъа лоацаш хиларо цӏаькха а хьагойт культурашта юкъера къамаьл мел лоархӏам болаш да. Юкъарло иштта дакъа лоацаш хилча, культурашта юкъера къамаьл лоархӏаме хул, цунца цхьана Калининграда областа культуран оагӏонаш дикагӏа тоалуш хургья, из дика кӏийле я доттагӏал чӏоагӏдара, шоайла лерхӏам лелабара, цу оагӏонца дахаш долча дерригача халкъа викалашта юкъера барт чӏоагӏбара.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх