«Низагӏа ваь лор» яха гӏалгӏай комеди Россе къаман тӏехьале я, аьнна, белгалъяьккхай
Гӏалгӏайчен Паччахьалкхен Базорканаькъан Идриса цӏерагӏча драматически театра «Низагӏа ваь лор» яха спектакль чуйоагӏаш я «Россе театрай кхоллама дошоча ганза». Из проект хетаяь я РФ театральни болхлой Союза цхьа бӏаь ах бӏаь шу дизара. Цу цӏихезача Мольера классически кхолламах оттаяьча спектакла режиссёр я Гӏалгӏайчен халкъа артистка Ӏоахарганаькъан Фатима.
Дикагӏъяраш хоржача юкъеяхар 300 говза оттаяь пьеса. Уж яр ерригача Россера. Яхь дӏахьош яр шин даькъа йийкъа. Цкъа хьалхагӏа дехараш хоржаш яр Россе театральни болхлой Союза моттигашкара филиалаш, чаккхе еш яр балха говзал йола жюри.
Ардара бетта 1-ча денгара 3-ча денга кхаччалца, дӏазъяра болх дӏахьоргба «Низагӏа ваь лор» яха телевизионни оагӏон. Цо таро лургья из спектакль таьрахьий архиве лорае, иштта дукхача наха гойта. Из го йиш я Гӏалгӏайчен ТЮЗе ардара бетта 3-ча дийнахьа.
Дӏахойодача хана, Гӏалгӏай паччахьалкхен госдрамтеатра спектакль гойтаргья «Йоккха эфир» яхача «Триколор» канале.
