Роскагирхой. Гранташ-2026 кхелахошта юкъе ба вай мехкара хьинардараш
Вай мехкара хьинардараш Роскагирхой-Гранташ-2026 кхелахошта юкъе ба. Из хоам «Сердалога» бир кагирхой гӏулакхех йолча Комитето. «Кагирхой политикан гӏулакх къоастадеш хургва 1 365 саг. Вай мехкара ши саг хургва цу тоабан юкъе.
«Бералла наькъаш» яхача проекта моттигера координатор вола Колой Саӏид хӏанз пхезлагӏа кхелахочун болх дӏахьош хургва. Вай мехкарча кагирхой политиках болча оагӏон кулгал деш йола Гӏулой Амина эггара хьалха дакъа лоацаш я цу юкъе. Шоай деррига начӏал гучадоаккхаш, къахьегаргда цар кхелахошта юкъе болаш», - дийцар тха газетага.
«Ерригача Россе кагирхой проекташ йоаржаяра тӏехьа лоархӏаме, йоккха терко, говзал эшаш болх ба кхелахоша дӏахьор. Лаьрхӏа хиннар кхоачашхилийтара тӏехьа гӏо деш да тхо тахан», - аьлар Колой Саӏида.
