Гӏалгӏайчен артисташ хилар, Нальчике КБР паччахьалкхен Ди дездеча
«Тоалуш хила, хьамсара республика» яха лаьрххӏа йола кхетаче хетаяь яр, КБР паччахьалкхен Денна. Из дӏайихьар Баьццарча театра сцена тӏа. Цига бийхача хьаьшашта юкъе бар Гӏалгӏайчен викалаш; шоашта керте республикан Хамхой А. цӏерагӏча Паччахьалкхен филармоне кулгалхо, КБР, КЧР цӏихеза артистка Ӏаьленаькъан Ӏайна а йолаш. Ший балха говзал гойтар Чомаканаькъан Хаде кулгал деча «Гаргареи» яхача халхара ансамбло.
«Ӏаьленаькъан Ӏайнас духхьашха аьлар Нальчика бахархошта «Хьа дош» яха ший керда илли. «Гаргареи» яхача ансамбла артисташ сцена тӏа баьлар. Цар гойтар халхар. Концерте дакъа лоацаш бар искусствай говзанчаш, Гӏаьбартой-Балкхарой кхоллама тоабаш, иштта Къилбаседа Кавказа федеральни куран мехкашкара артисташ. Сцена тӏа Кавказа къамий иллеш, ашараш йийкар, иштта халхараш дир», - аьлар «Сердало» газетага Гӏалгӏайчен Госфилармоне зарбан болх лелабераша.
Гӏалгӏайчен артисташа хозйир цӏайна хетаяь сайре. Ше морг кхы йоаца Ӏаьленаькъан Ӏайнай вокал, «Гаргареи» ансамбла халхарий говзал наьха дегашка южаш яр.
Гӏалгӏай артисташа йицлургйоацаш йир из сайре, иштта чӏоагӏбир вошал долча къамашта юкъера барт.
