Бетсите Латара Бийсаш 133 яхача яхье котало яьккхар вай спортсменаша
Наьсаре дӏайихьача Бетсите Латара Бийсаш 133 яхье дикка белгалбаьлар вай спортсменаш. Из хоам «Сердалога» бера моттигерча спорта гӏулакхех йолча министерствера.
«Лакха толам баьккхарех ва цига Белхарой Руслан, Хьулахой Юсуф, Овшанаькъан Адам, Малсаганаькъан Мухьмад, Кхоартой Билан. Лакхерча лагӏа тӏа баьлар уж спортсменаш. Пхе раундах латташ яр «Магас» спорта Двореце дӏайихьа Цӏолой Бабулена, Буторин Максима юкъера яхь. Юкъерча дозалах Бетсите Латара Бийсай чемпиона цӏи яьккхар вай мехкахочо.
Маьтсела бетта 23-ча дийнахьа Москве дӏахохьоргья уж яхьаш Сарнавски Александраца», - дийцар тха газетага. Котало яьккхача вай мехкахочун мехкадас еннача Toyota Camryмашина дӏоагӏаш дӏаделар Паччахьалкхен кулгалхочун хьалхара гӏонча волча Йовлой Мухьмада. Спортмена оагӏув хьаллоацаш гойта гӏулакх да из.
«Вай спортсменаша дакъа лоацаш мел йолча яхьашка хьож со, геттара раьза волаш. Иштта йола турнираш вай мехка дӏакхахьар мехка спорт йоаржаяра гӏулакха пайда беш хургда. Котбаьннараш даькъалабувца лов сона! Чӏоагӏа дега тоам беш да Цӏолой Бабули котвалар а. Боккха къахьегам латт цу дерригнена тӏехьа, хӏаьта керттердар дӏахо а хьинаре къахьегаш дӏавахар да», - дийцар тхога цу оагӏонцарча министерстван хьалха латтача Белхарой Руслана.
