ГIалгIайчен шахбокса чемпионашта Паччахьалкхен совгIаташ делар
ГIалгIай Республикан премьер-министра Сластенини Владимира мехка Паччахьалкхен Сийлен грамоташ елар тренерашта, иштта къонача спортсменашта Ерригроссе, иштта халкъашта юкъерча спорта даькъ тIа толамаш даьхарах. Къаьстта терко тIаяхийтар хIанз мара дIайолалуш а наха юкъе йовзаш йоацача а спорта оагIонна-шахбокса, цунна чудоагIаш да хьаькъале а физически а дакъа лацар, аьлар «Сердало» газетага ГIалгIайчен Кулгалхочун, Паччахьалкхен зарбан болх лелабераша.
«СовгIаташ делар ГIалгIайчен шахбокса Федераце керттерча викалашта. Царна юкъе вар моттигера шахбокса Федераце кулгалхо Баркинхой Ваха, тренер-хьехархо Овшанаькъан Ахьмад. Иштта совгIаташ делар спортсменашта, толамаш дахарах: Баркинхой Илеза - 2025 шера дунен чемпиона, Баркинхой Османа, Бабхой Мухьмада - Дерригача дунен ловзарий дото совгIаташ даьхача, иштта Цхьорой Iумара- Дерригача дунен ловзарий чемпиона.
«Шун коталоно хьагойт ГIалгIайчен кагирхошта хьаькъале а физически а кийчо цхьана хиларо лакха толамаш дахар спорта дика кIийле йолга», - аьлар Сластенин Владимира, ше къамаьл деш, шахбокса толамаш лоархIаме хилар белгалдеш.
Премьер-министра хьоахадир, спортсмений толам цу даькъах дика масал долга кхувш йоагIача тIехьенна, хьаькъал а дегI а цхьана дегIадоагIаш хиларо доккхийча толамашка вугаш хилар гойташ.
