Шоай лоӏамагӏа Луганске баха хинна вай мехкахой цӏакхаьчар
18.06.2026 11:49
Лугански Къаман Республике новкъостал де баха хинна МЧС колледжера вай студенташ цӏакхаьчар тахан. «Шоашта тӏадаьхка хинна декхараш дизза кхоачашдаь, цӏенах кхийттаб вай мехкахой.
Лугански ВСКС РО болхлошца, адама бокъонаш лораярах йолча Даль В. цӏерах йолча ЛГУ студенташца мукъаяьхача моттигашка цхьацца балхаш дӏахьош, бахархошта гӏо деш хиннаб уж. Халача хьале эттача наха доккха баркал кхайкадеш, дӏабихьаб цар шоай болх хӏара дийнахьа», - йоах тахан тхога бенача хоамо.
Белгалде деза, цӏабаьхкарашта когаметта Луганске 20 сагах латта цхьаькха тоаба ӏояхалга. Колледжа хьехархоша, студенташа шоашта могачох новкъостал дергда ЛНР бахача наха.
