МВД болхлой цIайца даькъалабийцар мехкарча единороссаша
ХIара шерарча лайчилла бетта 10-ча дийнахьа шоай къахьегамца дувзаденна цIай дездеш хул чухьарча гIулакхех болча оагIон болхлой. «ЦаI йола Росси» яхача ВПП оагIон къахьегамхой баьхкар, дега тоам беча дешашца, цIайца уж даькъалабувца.
ИРОП секретара, Халкъа Гуллама кулгал деча ТIумхой Мухьмада тIадиллар кхоачашдеш хилар, парте доакъашхо Кхоартой ИбрахIим.
Хьинаре, бехктокхаме къахьегарах, царна доккха баркал, аьнна; цар хьегаш дола къа белгалдеш йола грамоташ дIаелар цо. Цар тIа яздаьд:
«Наьха кхерамзлен хьал лорадара тIехьа, Даьхен гIулакхе боккха болх дIахьош латташ нах да шо. Болх бехктокхаме, дог лазаш оаш дIабахьарах тахан паргIато, машар ба вай мехка. Иразе, беркате хилба шун къахьегама никъ! Могаш, маьрша долаш, хIанз санна шоай декхараш дизза кхоачашдеш дахалда шо!»
