Гӏалгӏай каратисташа кхо майдилг яьккхар, массе тайпарча каратэх йолча Россе Кубке
25.09.2026 13:58
Краснодарски края Витязево оалача юрта массе кепара каратэх йола мехка Кубок яккхара яхьаш дӏайихьар. Йоккхача яхьашка гулвелар чӏоагӏагӏа вола 220 спортсмен, уж бар Россе 36 моттигера. Гӏалгӏайчен викалаша гойтар лакха кийчо, цар кхоъ совгӏат даьккхар - шиъ дото, цаӏ борза.
«Сердало» газетага Гӏалгӏайчен спорта Министерствон зарбан болх лелабераша ма аллара, беррига майдилгаш яьхараш дика чакхбаьлар «лоравалара хьал» яхача даькъах. Яхьа дикагӏа бола спортсменаш хилар Йовлой Микаилах, 68 кг дозал дарашта юкъе; Гарданаькъан Ӏусманах (64 кг). Кхоалагӏа моттиг яьккхар Котанаькъан Мухьмад-Мубарака, цун борза совгӏат делар (68 кг).
Уж кийчбаьр вар Шовхаланаькъан Ӏаддал-Ӏазит.
