Будённовска куран тӏа дӏайихьача яхьашка, белгалбаьлар вай ӏаддалхой
Ставрополерча Будённовск яхача шахьаре дӏайихьача ӏадсаькх деттарах йолча 3D йийллача яхьашка, белгалбаьлар вай мехкахой. Из хоам «Сердалога» бир вай мехкарча Ӏаддалхой, арбалета Федераце.
«Красный Октябрь оалача юрта дӏахьош хиннача яхьашка гулбелар Ставрополера, Краснодарера; Московски, Волгоградски, Ростовски, Владимирски областашкара; Селий, Нохчий, Гӏалгӏай, Гӏаьбартой-Балкхарой, Гӏалмакхий мехкашкара лакха говзал йола ӏаддалхой. 100 гаргга спортсмен вар ше-ше белгалвала гӏерташ, шоай мел дола начӏал гойташ кхестараш.
Хӏанзолца санна доацаш, 24 хьайбай кепе хьадаь улгаш дар дӏоахалла ӏооттадаь хиннараш хьежоргашта меттел», - дийцар тха газетага. Керттера судхо волаш тӏахьожаш хиннар вар цӏихеза спортсмен Барко Владимир. Белгалбаьннарашта совгӏаташ луш дӏакъаьстар из гӏулакх.
«Баребоу» яхача оагӏонца шоллагӏа моттиг яьккхар Хамхой Мусас, борза майдилг яьккхар Цӏечой Адама, Султиганаькъан Адамах «инстинктив» яхача даькъе борза майдилг яьккхар хилар. Кагирхошта юкъе «дотув» даьккхар Цӏечой Ахьмада.
