Шолжа-Гӏалий тӏа дӏайихьача яхьашка дакъа лаьцар вай тхэквондисташа
20.02.2026 09:04
Тхэквондох йолча Шолжа-Шахьарерча йийллача яхьашка дакъа лоацаш хилар вай спортсменаш. Из хоам «Сердалога» бера цу оагӏонцарча министерствогара.
«8-14 шерашка кхаьча тхэквондисташ бар шоай говзал гойташ хиннараш. Цар тренераш бар Хамхой Хьусен, Шоанахой Ислам. Борза майдилгаш йоахаш белгалбаьлар Дударанаькъан Мурад (34+ кг), Албохчанаькъан Калой (34 кг), Цисканаькъан Абузар (30 кг», - йоах тхога бенача хоамо.
«Лакха говзал гойташ, республиканна кхо майдилг йоаккхаш чакхъяьлар уж яхьаш»,- аьлар министерстве.
