Селий мехкарча яхье дакъа лоацаш хилар вай волейболисташ
09.05.2026 21:03
Селий мехка дӏайихьача 55+ ветеранашта юкъерча яхье дакъа лоацаш хилар вай мехкара волейболисташ. «Сердалога» из хоам бир Минспорте.
«Кокрек яхача юрта дӏахьош хиннача яхьашка коталонга кхача гӏерташ бар 13 тоабан ветеранаш. Волейболах йолча федераце президента Гӏуденаькъан Мовсара хьалхале лоацаш, дикка белгалбаьлар цига вайбараш.
Спорт хьаллацарал совгӏа, СКФО мехкашта юкъера бувзам, барт чӏоагӏбеш гӏулакх хилар ала йиш я цох. Доакъашхошта совгӏаташ делар, иштта Селий мехка гӏолла экскурски йир цар», - йоах тхога бенача хоамо.
Спорта ветеранашта юкъе иштта йола яхьаш дӏакхахьар боккха пайда боаржабеш да.
