Хӏинде хургйолча Дунен чемпионате дакъа лоацаш хургва, вайцигара кулгаш гӏертадер
15.02.2026 09:46
Хӏинде дӏаяхьа лерхӏача дунен яхьашка дакъа лоацаргда Хьулахой Ислама. Из хоам «Сердалога» бера спорта гӏулакхех йолча министерствон зарбан болх лелабеча Гӏаппархой Аишас.
«Из толам Исламага кхаьчар, дегӏа могашал эшаеннарашта юкъе дӏахьош хиннача Россе чемпионате дикка белгалваларах. Орёл яхача шахьар тӏа гулвенна хиннача 34 моттигерча 179 спортсмена юкъе ше дӏавовзийтар вай мехкахочо. Аьтта, аьрда кулгаш гӏортадаь; 70 кийла дозал дарашта юкъе дото ши майдилг яьккхар вай мехкахочо. Россе спорта говзанча боарамга кхаьча, Дунен чемпионате хьожавир из дӏахо ший низ гойта», - йоах тхога бенача хоамо.
Спортсмен кийчвеш хинна тренераш Котанаькъан Хьусени Тиймарзанаькъан Ибрахӏими ба.
