Элжаркъанаькъан Мухьмад-Аминах дунен чемпион хилар, панкратион оалача латарах
Элжаркъанаькъан Мухьмад-Амина дика чакхдаьккхар ший латар панкратионах, дунен чемпионат йолаш 66 кг дозал дарашта юкъе дошо майдилг йоаккхаш.
Тӏеххьара латар дӀахьош, Сардала Сардалца яхьеваьнна, вай спортсмена, ший мел бола низ ураоттабаь, тешшаме котало яьккхар. Цул хьалха, ах финал йолаш Элжаркъанаькъан Мухьмад-Амина котало яккхара ший дика лоӀам хилар гойтар; судхоша, цхьа барт баь, тӀаийцар цо украински латархо эшаваь хилар.
Панкратион, къаьнара олимпийски спорта кеп я, тохара йола техника чуйоагӀа цун, спортсменаш низ болаш хиларал совгӀа, меттахьа тохара аьттув боалаш а хила беза цу яхьашка. Элжаркъанаькъан Мухьмад-Амин дукхача шерашка кийчлуш хилар, лаьрхӀачунга кхача дагахьа, духьалъотта могаш хиларах, котало яккха аьттув баьлар. Цо хьагойт гӀалгӀай латархой лакхача боарам тӀа хилар, республикан цӀи цар дуненна йовзийташ хилар.
Даькъалавувц Элжаркъанаькъан Мухьмад-Амин цу коталонца, аьттув балба дӀахо а спортивни даькъ тӀа!
