ГӀалгӀай дзюдоиста борза совгӀат даьккхар, Монголе дӀахьош хиннача «Йоккха тадж» яхача яхье
ГӀалгӀайчен дзюдоиста ЦӀечой Адама борза совгӀат даьккхар «Йоккха тадж» яхача лоархӀамеча Монголен Улан-Баторе дӀахьош хиннача яхье. Спортсмена котало яьккхар 81 кг дозал дарашта юкъе, ший лакха говзал, котало яккхара лоӀам чӀоагӀа хилар а гойташ.
Со тешшаме гӀадваха ва борза совгӀат айса даккхарах, со хьежар дошо совгӀат даккха, хьежавале а хиннар вайна гуш да. ТӀеххьарча латаре котало яккхар - из чӀоагӀа дог айдеш да», - аьлар ше къамаьл деш ЦӀечой Адама.
Яхьаш дӀахьоча хьалхарча дийнахьа российски тоабо дика толам баьккхар, цу юкъе ЦӀечой Адам а волаш. Галицкая Ксене дошо майдилг яьккхар 57 кг дозал долча кхалнаьха тоаба юкъейоагӀаш, хӀаьта Воробьева Марина, Европан чемпионка я кагийбарашта юкъе, из 48 кг дозал дарашта юкъе котъяьлар.
Яхьаш дӀахьоча хьалхарча дийнахьа российски дзюдоисташа цаӀ дошо, цаӀ дото, кхоъ борза майдилгаш яьхар, цар гойтар дика барт болаш тоаба хилар. «Йоккхача таджа» яхь дӀайихьар Улан-Баторе, кӀимарса бетта 25-ча денгара 27-ча денга кхаччалца, цига гулбелар дерригача дунен тӀара чӀоагӀагӀа бола дзюдоисташ.
