Футболист Оздой Мухьмад йоккха говзал гойташ ва эллиной мехка
10.02.2026 09:52
Эллиной «ПАОК» тоабанца ловзаш вола вай футболист лакха говзал гойташ ва тахан. «Арис» яхача тоабанца ловзаш, дикка белгалваьлар из.
«Ловзар чакхдаллалца боаггӏача боараме ловза ховш футболист ше волга массанена дӏагойташ вар мехкахо. Эллиной суперлига 20-ча бӏалага гӏолла дӏахьош дар ловзар.
90 минот яьккхар вай футболиста ловзаре. 6,7 балл оттайир цун говзала кхелахой хиннараша», - йоах тхога бенача хоамо. Яхьий таблица тӏа кхоалагӏча мугӏар тӏа латт «ПАОК».
