Бахархой хаттарашта жоп делар футболиста Бакайнаькъан Солтмурада
30.03.2026 11:08
«Даьхе» яхача футбола тоабанца хиннача пресс-конференце, из ловзар дезарий хаттарашта жоп луш хилар Бакайнаькъан Солтмурад. Из хоам «Сердалога» бир футболах йолча Федераце.
«Спорте ше мишта кхаьчав, эггара хьалхара кийчон болх мишта хулар, малагӏча халонех чакхвала вийзар дийцар Солтмурада цу дийнахьа. Берашта хьалхадаьккхар цо, цӏаккха а дог ца эккхаш, лаьрхӏачунга кхача гӏерташ къахьега дезилга. Футболаца безам болча дешархошта цар хаттарех баркал, аьнна, спортаца бувзам лоаттабара тӏахьийхар цо уж»,- йоах тхога бенача хоамо.
Хьалхагӏа «Сердало» газето яздаьдар; Солтмурад Хьалхарча лига 22-ча яхье дикка белгалваьннарех ва, аьнна.
