Базорканаькъан И. цӏерах дола театр, дӏа-юха ухаш, спектаклаш гойташ да
17.04.2026 13:58
Берашта лаьрхӏа спектаклаш гойташ, боккха болх дӏахьош ба тахан Гӏалгӏай паччахьалкхен драматически театра актёраш. Эккажкъонгий-Юртарча № 4 йолча ишколе баха хилар уж, берий дог гӏоздаккха.
«Къаьнарча Тифлисе кхаьчар бераш Цагарели А. «Ханума» яхача комедега хьожаш. Берий белам латтар зале, гуш дар берригаш дог айденна болга. Берий дегашта йоккха дегагӏоз хилар цох»,- дийцар «Сердалога» цу моттигера.
«Пушкина карта» яхача программага, «Берашта лаьрхӏа культура» яхача ерригача Россе проектага гӏолла дӏахьош болх бар из. Эккажкъонгий-Юртарча берашта, актёраша цу дийнахьа гойтача говзалах, бокъонца цхьа цӏай хилар.
