ГӀалгӀайчен паччахьалкхен драмтеатр болх беш да, «Ханума» яхача спектакла тӀа
ГӀалгӀайчен паччахьалкхен драматически театре дӀахьош я «Ханума» яхача беламеча комедега еш йола кийчо, яхаш, дийцар театра зарбан болх лелабераша.
ЦӀи хеза А. Цагареле пьеса гӀалгӀай меттала яккха хьежар режиссёр-постановщик, драматург Галай Мурад.
«Ханума» - классически белам-водевиль я, къаман ашарашца, дувцарашца, ловцашца кхелла; ший тайпара белам болаш оттаяь. Зоахалола юкъе латтача шин сага: Кабатос, Ханумас - дӀадоладу цхьан хана вӀаьхий хиннача, цул тӀехьагӀа къе висача Пантиашвилена саг йоалаяра дола гӀулакх. Кабато безам болаш хул керттера зоахалол даьр хила, цо шийна могар ду, Ханумайна духьаленаш еш. Бакъда Ханумас лоархӀ, «ер дуне хьакхеллача хана денз, дикагӀа зоахалол деш саг кхы вац», - аьлар лоацо, цу сюжетах дувцаш, ГӀалгӀайчен драмтеатре.
Малав кхы дикагӀа аьланна саг лохаргьяр? Из да сюжета керте латтар.
