Гӏалгӏайчен штангист Пхьилекъонгий Ӏалихан цӏаверзаргва, Къаьнарча Купавнера «дошув» дахьаш
31.05.2026 10:11
Цӏихеза гӏалгӏай спортсмен Пхьилекъонгий Ӏалихан Московски областерча Къаьнарча Купавнера дошо майдилг яхьаш цӏавоагӏаргва, из яьккхар ха яхарий тоабашта юкъе дӏахьош хиннача езача атлетиках Россе йийллача XXXI-ча чемпионате, яхаш, дийцар «Сердало» газетага моттигерча спорта Министерствон зарбан болх лелабераша.
«Цига, 30 шергара 95 шерга кхаччалца ха яьнна 180 маӏа саг вар Россера, Белоруссера вена, цар гойтар шоай физически низ. Гӏалгӏайчера шийна карагӏдоалар гойташ вар цӏихеза чемпион, дукха российски, халкъашта юкъера совгӏаташ даьха Пхьилекъонгий Ӏалихан. Цо дика толам баьккхар 65 кг дозал долаш, иштта М70 ха яьннача тоабах волаш, 135 кг айяь, цунца ший лакха говзал чӏоагӏъеш, – аьлар хоамо.
