Болх дӀаболабеш да берий театр
02.09.2024 12:27
30-гӀа театра балха шу дӀадоладе кийчлуш ба, ахкан салоӀа ха чакхъяьнначул тӀехьагӀа, берий театра болхлой. Из хоам «Сердалога» бир театрера зарбан болх лелабераша.
Тахан дӀаболабенна 15-ча денга кхаччалца, массанена йовзаш йола спектаклаш кийчъеш хургба актёраш. Укх бетта 17-ча денгара 20-ча денга кхаччалца, «Маугли» яха Хазанаькъан Лейлай спектакль гойтаргья цар. 23-ча денгара 27-ча денга кхаччалца, хьокхаргья режиссёра Лаьнанаькъан Ахьмада «ЦӀаьрмата бӀухо» яха спектакль.
Укх бетта тӀехьарча деношка берашта гургья «Къамаьл дувца кӀудал». Ерригача спектаклашка Пушкина картага гӀолла хьажа йиш я.
