«Гроза» яха спектакль гойтар ТЮЗо мехкарча бахархошта
26.03.2026 12:38
Островский Н. А. язъяьча «Гроза» яхача драмах спектакль оттайир мехкарча берий театро. Тайп-тайпарча ханашка кхаьча хьажархой гулбеннабар зале. «Лоархӏаме хьаьший хинна дакъа лоацаш бар цига СВО доакъашхой дезалаш, Наьсарерча ишколашкара дешархой, «Даьхен лорабой» яхача ганзо терко лоаттаераш.
Йоккха говзал, начӏал гойташ бар сцена тӏа вай актёраш. Спектаклага хьажа мел баьхкараш чӏоагӏа раьза болаш, актёрий ловзар дувцаш дӏабахар», - дийцар «Сердалога» ТЮЗо.
Шийна дезача хӏаманга чӏоагӏа сатувсаш, хьегаш волча, боккха болх чакхбаккха гӏертача Кулигина роль ловзаеш хиннар Куштанаькъан Руслан вар. Дукха хӏама ӏомаде, довза гӏерташ вола турпал вар цӏихезача актёра хьажархошта дӏавовзийтар.
