«Дегаза боабашка кӀориг» яха спектакль гойташ ба, вай берий театра актёраш
25.03.2024 15:56
«Дегаза боабашка кӀориг» яха массанена езаенна спектакль гойташ ба бахархошта, берий театра актёраш. Андерсен Г. язбаьча фаьлгах йолча спектакла режиссёр Санкт-Петербургера Озерски Светлана я. Из хоам «Сердало» газетага бир театра зарбан болх лелабераша.
ХӀара дийнахьа, тӀабоагӀача бетта 2-ча денгара 5-ча денга кхаччалца, нийсса ши сахьат даьлча, бахархошка хьеж театра актёраш.
«ГӀалгӀай берий театра 30 шу дизара хетаяь я театра тоабо дӀахьош мел йола кхетаченаш», - дийцар театра болхлоша. Белгалде деза, вайцига дӀахьош Пушкина карта яха программа йолга.
