ГӏалгӀайчен ТЮЗо Гран-при яьккхар Санкт-Петербурге
29.10.2024 09:04
Ардара бетта 22-ча денгара 26-ча денга кхаччалца, дӀайихьар Санкт-Петербургерча Нарвский коанаӀараш яхача паччахьалкхен театре Халкъашта юкъера ӀV-гӀа фестиваль. Цига дакъа лаца йихьар «Дегаза боабашк» яха ГӏалгӀайчен берий театра спектакль.
Вай мехкара цига баха хинна артисташ, фестивала тӀеххьарча, ардара бетта 26-ча дийнахьа 14 сахьат даьлча бар цига шоай болх гойта безаш, царна цу моттиге делар фестивала керттера совгӀат- Гран-при.
Цул совгӀа, ГӏалгӀайчен ТЮЗа баркал аьлар Сенкт-Петербургерча миграционни политика кхоачашъеча, къамашта юкъерча гӀулакхашта йолча Комитета, «къамашта юкъера барт бара, этнокультуран оагӀонаш лелаяра» даькъ тӀа цо доккха дакъа лацарах.
