100 совгӏа машиний хьал тохкаш, болх дӏабихьар ГИБДД инспектораша
Вай мехкара ГИБДД болхлой «Сунт» яха рейд дахьош ба наькъашка. Из хоам «Сердалога» мехка МВД бир.
«Бӏаь совгӏа машина хьал тохкаш, кхоачамбоацараш гучадоахаш, къахьийгар ГИБДД болхлоша. Эггара дукхагӏа нийслу кхоачамбоацараш дар, лоравеш дола тӏехкар дӏацатохар – 13 моттиг, страховка йоацаш цхьа саг вар, хӏаьта виъ саг машиний каьхаташ доацаш вар», - йоах тхога бенача хоамо.
80 тайпара кхоачамбоацараш теркалдир наькъашка, цу юкъе дар лаьрхӏа дола гӏанд доацаш бер машина чу хоадар. Кораш баьддаь йола машинаш дукха нийслу, укх наькъа 30 совгӏа яр уж.
Машинаца аравоалача хӏара сага кхетаде деза, наькъашкара бокъонаш лакха терко еш лархӏа езилга, бокъо йоацараш леладе йиш йоацилга. Из деррига а вай наькъашка хатараш ца хилийта гӏерташ леладеш да. Рейд дӏахьош нийсденнараша дукхача хӏаман уйла яйт…
Лорага чакхваргвац аьнна духьале йир цхьанне, ялх саг лертӏа йоацача машинаца араваьнна лелар, ялх машин ӏаьдало ӏочуйигар. 119 машина, 160 сага хьал тохкаш болх дӏабихьар ГИБДД болхлоша.
