Иштта дале а, ипотека ийдара дош вай республике гIолла лаьгIа латт, из лаьрххIа йолча гIишлонна мара луш ца хиларах.

Мангала бетта, Центробанко яхачох, регионе ипотека маьха деза дар — шера 8,55 ставка йолаш.

Цхьабакъда, цу юкъе хувцамаш хила тарлу.

Россе Президента Путин Владимира тIадиллад РФ министрий кабинета, Россе Банкаца цхьана, типовой проектах хьалъеш йолча, нах чу бахара лаьрхIача гIишлонашта льготах дола ипотека ле аьнна.

Из да, льготах дола ипотечни кредиташ далара доалахьара гIишло (хьалъяра), эцара (ИЖС), лаьрхIа гIишло типовой хьисапе а, иштта, (стандартах) доаггIача бесса хургйола дош.

Цу тайпара, наха лаьрхIа хьалдеш дола цIенош проектах хургдолаш юкъедоаладеш да из.

Из деррига даь даккха деза 2021 шера, чантар бетта 1-ча денга кхоачаш.

Цул совгIа, «ЦIенош, шахьарера хьал» яхача къаман проектах, 2030 шерага кхоачаш, хIара шера 120 млн кв. м. наха цIенош хьалдара оттадаьча декхарех деш а да из.

Цунах 50 млн кв. м. (ИЖС) линех йоагIаш хургья.

Эксперташа яхачох, Къилбаседа-Кавказ, кхыйола регионашка доалахьара цIенош хьалдара гIишлоний хьакъехьа, хьалхара мугIараш дIалоацаш хургья.