Охценаькъан Ислама «Федеральни спикер» яха преми елар
ГӏалгӀай Республикера Охценаькъан Ислам «Федеральни спикер» яхача Ерригроссийски преме лауреат ва, яхаш, дийцар «Сердало» газетага котваьнначун оагӏонцарча викалаша.
Из преми тӀахьехаш я, мехка даькъ тӀа культуран хьалаш, гӀулакхера балхаш дӀадахьара, наха юкъера болх лелабара малагӀа говзал а таронаш а я говзанчий белгалдара. Кхетаче вӀашагӀъеллар я, профессиональни говзанчаш хьаллацара, дегӀакхувлара йола Ассоциаци. Карарча шера яхье 400 дехар чуденнадар, Россе 27 моттигера. Яхьаш массехк даькъа йийкъа яр: тӀеххьара мах оттабар, профессиональни говзал йовзар, иштта онлайн-болх бе хар миштад хьежар, цига кхела доакъашхоша мах оттабора.
ГӏалгӀайчен вахархо Охценаькъан Ислам юкъе хилар котваьнннача 20 сага. Ше болх беча шерашка цо ше гойтар «Концепт» яхача дешара, дегӀадара Центра тренер волаш; иштта кхетаченаш, конференцеш дӀахьош хилар. ЛаьрххӀа йола кхетаче хилар мехка столице ВДНХ.
Россе вӀашагӀйоллаш я лаьрххӀа доацача дешара говзанчий профессиональни юкъарло. Цудухьа из преми - цу даькъ тӀа беш болча балха дикал лакха хилара тешал да», - аьлар Охценаькъан Ислама.
