Сунжера хоржама участкаш кхаж тассара кийча я
До дня голосования по выборам в депутаты местный парламент и Госдуму остаются считанные дни.
Шолжа районе, укх политически денна лаьрххIа, шоай сахьаташ нийсдаьд. Укхаза района кулгалхочунца Дзейтанаькъан Мухьмада хьалхленца совещани хилар республика малхбоалехьарча юртий администрацен кулгалхошца.
ТIеххьарчара белгалдир, хоржамий участкаш тIа эша оргтехника йолаш хилари, иштта хьатIадоагIа наькъаш тоадаь хилари.
Мехка дIахьоча лоархIамерча гIулакха кийча яр совленагIа, региона кулгалхочо доакъашхой тIахьийхар наькъий кхерамзле лораяра, цунца дувзаденна юртбоахама хьайбаш лорадара.
Доахан доажадар, ший хьалххе а белгалдаьча доазон тIа хила деза.
Цар дIа-хьа дахар, даьй доал долаш, е оттаваьча сага долахьа долаш хила деза, — белгалдир Дзейтанаькъан Мухьмада.
Дагабоаллама, цхьаболча даьша бокъонаш лораяц, хьайбаш машений наькъаш тIа лел ДТП хилара кхерам болаш, из бахьан, цхьайолча хана валар а хул.
Совещане болх чуберзабеш, района кулгалхочо цIаькха а хьалхадаьккхар доакъашхошта, бахархоша коронавирусни лазара доазув дар, боккхача лоархIаме хIама хилар.
