«Унахцӏенонга бода никъ» яха болам дӏабихьар Магасе
«Унахцӏенонга бода никъ» яха болам дӏахьош хилар Магасе. Цу гӏулакхо хьагойтар ший дегӏа уйла яр, цунна доал деш хилар вӏалла хала доацача хӏамаех латтилга. Цу дийнахьара керттера болх гӏаш волаваларах латташ бар.
«Ший унахцӏенон хьал лерттӏа, дегӏ кадай хилийта ловш вола саг хӏара дийнахьа волалуш, дегага болх байташ хила везилга хьалхадаккха арабаьлар шахьара урамашка республикера лораш. Цар белгалдир, дегӏа хьал меттадоаладар лаьрхӏа кийчо е езаш, хала кхеста везаш хӏама доацилга – тоам ба маьженаш хьоаеш, дегӏ «тхьайса» ца латтийташ хилар. Тахан геттара даьржа дола дега лазараш а кӏезигагӏа хургда боаггӏача боараме уж хӏамаш лорадеш, ший дегӏа уйла еш хуле»,- дийцар «Сердалога» унахцӏенон зарбан болх лелабераша.
Цу лоархӏамеча кхетаче дакъа лоацаш хилар федеральни оагӏонцара говзанчаш а. Россе унахцӏенон терапиях бола НМИЦ тоабан доакъашхой арабаьлар вай лорашца цу дийнахьа. Цар хьахьекхар, ший дегӏа терко еш хилар зӏамигача оамалашкара, гӏулакхашкара дӏадолалуш долга. Федеральни оагӏонцарча говзанчашца къамаьл де, цхьаццадараш тахка аьттув бар наьха.
Тайп-тайпарча ханага кхаьча нах бар болам хьаллоацаш хиннараш. Гобаккхарал совгӏа, вахарера хӏара дийнахьара оамалаш хувцар хилар цох дуккхабарашта. Сага боаккхаш бола хӏара гӏа цун дегӏа пайда беш, могашалла дикан болаш, цӏий дикагӏа доладолийташ болга кхетаде деза тахан массане.
