УИК доакъашхой ӏомабеш болх дӏабихьар Магӏалбика кхален хоржамий оагӏоно
Хоржамашта кийчо еш ба тахан Магӏалбика кхале. Кхален администраце цу оагӏонцарча кхело, хоржамашца дувзаденнараш хьалхадоахаш, семинар дӏайихьар хоржамий болх вӏаштӏехьабоаккхарашца, цӏеннах чуухарашца, хоржамий моттигашта кулгал деш хургбарашца. Россе Паччахьалкхен Думан, Халкъа Гуллама хоржамаш дӏахьоча моттигашкара гӏулакх лорадеш хургбараш ба уж.
«ТИКа кулгал деча Мержой Исраила гулбеннарашта хьалхадаьккхар, хоржамашта хьалхашка малагӏа декхараш латт. Къаьстта терко йир кхела, хоржамхошта юкъерча бувзама. «ИнформУИК» программах, «Телеформ» оагӏонах дийцар кхетаче. Семинаре дакъа лоацачар хаттараш доашхаш хилар ТИКа секретарь Мамилганаькъан Маргарита, администратор Хьулахой Диана», - йоах «Сердалога» Магӏалбика кхалера бенача хоамо.
Хоржамашка кийчо еш, теркалде мел дезараш белгалдир цу моттиге.
