Гӏалгӏайчен Кабмина, йоал йоахараша тоадергда ОСАГО гӏулакх
Гӏалгӏайчен Паччахьалкхено, йоал йоахараша барт бир ОСАГО гӏулакх тоадара хьалхарча аргӏагӏа де дезар белгалдеш, яхаш, дийцар «Сердало» газетага республикан министрий кабинета зарбан болх лелабераша.
«Гӏалгӏайчен Паччахьалкхен Председатела Сластенин Владимира кулгал деш, кхетаче дӏайихьар Россе Банка, МВД, Ерригроссийски йоал йоахарий союзо Федераце Совета викалашца. Цига белгалдир ювца моттиг тоаяра хьалхара гӏа баьккха хилар, бакъда ОСАГО зе хилара мехка гӏолла бола борам хьалхагӏа санна лакха ба, из ӏаткъаш да полиса маьха га диллача», - йоах хоамо.
Иштта белагалду йоал йоахараша дӏадоладаь хилар кӏезиг-кӏезига маьхаш ӏодахар, из доагӏаш дар бехктокхаме болча водителашта, уж авареш ца еш лелара долча дикача хьала коэффициент юкъейоалаяра.
Россе банка хьалхадоаккх автомобиль йолча водителаша полисаш лелайой хара тӏахьожам лоаттабар. Из болх хӏанз дӏаболабаьб. Кхетачен доакъашхоша дийцар, полисаш эцаш финансови оагӏонга диллача из дикка ӏаткъаш хилар. Йоал йоахараша, из хьал леладара тӏахьожам лоаттабераша дӏалоархӏаргда, автотранспорт йола нах дика лелаш хилар, цу наха полиса маьхаш чухьнахьа хургдолаш.
Цхьана болх дӏабахьарах барт бир, ОСАГОх хула зе меттадоаладе.
