РФ юртбоахама гӏулакхех йолча министерствонна кулгал деш йолча Лут Оксанайна, «Карагӏдаьннарех» яха орден елар вай Мехкадас
Балха тӏагӏолла Москве ваха волаш, РФ юртбоахама гӏулакхех йолча министерствонна хьалха латтача Лут Оксанайна «Карагӏдаьннарех» яха орден елар вай мехкадас Келаматанаькъан Махьмуд-ӏаьлас.
Вай мехкара цу оагӏонцара, вахара-экономически хьал меттадоаладеш дакъа лацарах денна совгӏат да из. Мехка кулгалхочо белгалдечох, вай республикера юртбоахама оагӏонцара гӏулакхаш хоалуш тоаденнад Россе Паччахьалкхено, къаьстта Лут Оксанас гӏо лоаттадеш.
Мехкадас яхачох, АПК дувзаденнараш дикка айделар оагӏув хьаллацарах. Вай къаман экономике лоархӏаме моттиг дӏалоацаш ба тахан юртбоахам. Келаматанаькъан Махьмуд-ӏаьлас белгалдир, Россе Президента Путин Владимира юртбоахама оагӏонца дувзаденнараш тоадара болх сихбеш, чӏоагӏбеш къахьега, аьнна, тӏадехка декхараш дизза кхоачашде вай аьттув баьнна хилар таханарча дийнахьа.
