Мехкада: Республика езаро кхотаду вай
07.07.2025 12:28
ГӀалгӀай паччахьалкхе хьакхоллара Денца бахархой даькъалабийцар Мехкадас.
Республикан кулгалхочо белгалдир, цу лоархӀамеча, исторецарча хувцамо юкъара-политически, вахара, культран оагӀонашка доккха дика даьлга.
«Къаман нах къахьегама тӀера, лакха начӀал долаш хиларах, мехка хьал тоадеш, хӀара денна дика хувцамаш даржаш, наьха вахара хьал тоалуш, никъ дӀахьош я ГӀалгӀайче», - белгалдир Мехкадас. Келаматанаькъан Махьмуд-Ӏаьлас теркалдир, шоай республика езаш хиларо вӀашкаозарал совгӀа, шоай лаьттанцарча, Даьхенцарча безамо, сийрда кхоане кхолла ловш хиларо къам низ болаш делга.
Къамаьл чакхдоалаш, иразе, беркате, машарца, могаш-маьрша болаш баха даькъалабийцар мехкадас бахархой.
