Магас-Шахьара мэралла хьожавир Тиймарзанаькъан Муса
10.03.2025 22:54
Магас-Шахьара Кхело хьаллаьцар Тиймарзанаькъан Мусай оагӀув, Магас-Шахьара керда мэр хургволаш. Из лаьрхӀар депутаташа цун гӀулакхаш тохкаш дӀахьош хиннача кхетаче.
Тиймарзанаькъан Мусай йоккха балха говзал я кулгал деча даькъе, из хилар Наьсарен-Шахьара кулгалхочун хьалхара гӀонча, цул хьалхагӀа из болх беш вар Йовлой Берда цӀерагӀча спорта ЦӀагӀа, цун иштта говзал я гӀишлон даькъ тӀа. Цо таро лу цунна шахьара хьалхашка латта декхараш кхоачашде.
