«Дешара даькъ тӀа, профессиональни кийчо яра, кагирхой кийчбара дешаш керттера да»,-аьлар Келаматанаькъан Махьмуд-Ӏаьлас. Цунна чудоагӀаш, ГӏалгӀайчен Ӏаьдал лаьрхӀа да «АвтоВАЗе» дешаш болча студенташта, цига Ӏомалуш болча дийша баьннача кагирхошта лаьрхӀа дола хьалаш тоаде. Нагахьа санна цига хьалхагӀа 26 сага лаьрхӀа хиннадале, хӀанз из 70 сага лаьрхӀа хургда, цо новкъостал ду республикан къонача говзанчашта керда таронаш лаха.

Россе дикагӀчарех цаӀ йолча машинаш еча заводе Ӏомабаларо йоккха балха говзал караерзаяйт, автомобильни даькъ тӀа балха оттара из цӀенхаштта аьттув а ба.

Иштта дийцар, Къилбаседа Кавказа доагама-энергетически колледжера, «Тоаяр, технически гӀулакх дар» яхача лостамагӀа дешаш бола студенташ, ткъаь пхеннегара бӀаь ткъаь пхеннега кхоачаш, дукхагӀа хургбола дош а. Цо таро хулийтаргья мехка говзал лакха йола болхлой кийчбе.

«АвтоВАЗе» болх беш болча студентий стипенди 100 эзар сом да, хӀаьта Самарски областа Паччахьалкхено шийгара 200 эзар сом лу «новкъостала» моттигерча бюджетера.

Соколов Максима иштта шийна хетар аьлар, цига болх беш а Ӏомалуш а болча студентий даьшца къамаьл деш.

Цо баркал аьлар, кагирхой дика кхетам бенна кхебарах, иштта цо белгалдир; Ӏадаташ лорадеш болча дезала юкъера студенташ дукхагӀа сакхетам болаш а лаьрхӀачунга кхача гӀерташ а хул, аьнна.

ГӏалгӀай мехко а «АвтоВАЗо» а дӀахо шоай бувзам чӀоагӀбу, мохк дегӀаахара, кагирхошта керда таронаш хьаеллара наькъ тӀа къахьегаш.