Ерригача Россе ӏаддалхой чемпионате ваха хилар вай Мехкада
Россе ӏаддалхой Чемпионат вай мехка эггара хьалха дӏахьош я. 350 ӏаддалхо вар гулвенна хиннараш. Шин доазон тӏа дӏахьош яр яхьаш – «Мужече» оалача спорта моттиге, Жӏайрахьа кхален Аьга-Кхале. Вай мехкада Келаматанаькъан Махьмуд-ӏаьла хилар цига ваха.
«Спортсменашца, судахошца, цу гӏулакха хьалхаэттарашца къамаьл хилар са. Яхьашта лакхача боараме кийчо яь хилар белгалдир цар, иштта вай мехкара ӏалам чӏоагӏа дезаденна бар. Иштта йолча яхьашка гӏолла, спорт йоаржаярал совгӏа, хьаьшашта мехкара хозал дӏагойта йиш хилар да лоархӏаме. Яхьашка дакъа лаца боагӏаш мел бараш вай къаман ӏадаташ, оамалаш, истори, культура яйзе болх. Геттара дика да из лоархӏаме кхетаче лоамашта юкъе уллача моттиге йоаржаяь хилар. Деррига а хоза тоаденна хиларо ший тайпара хетийт из яхь», - язду вай Мехкадас ший Телеграмм-оагӏон тӏа.
Вай къам массахана хиннад хьаьша тӏаэцар лакха лоархӏаш, турнира доакъашхой цу оагӏонца ювзаенна хоза уйлаш хиларах теша лов тахан. Дӏахойодача хана кхы а хургья вай мехка иштта йола Ерригача Россе яхьаш. Спортацара бувзам чӏоагӏбара тӏехьа, ма хулла дукхагӏа кагирхой цу юкъе хилийтара тӏехьа къахьегаш ба мехка.
